ياعزيز أقصفني وإن سال دمي حداك ماتسعفني كاني ظلمتك جيب أجنودك...أرسم وخطط في حياتي حدودك ...وإن كان خان قلبي كمله بارودك ...أقتل وهدد خاطري وأنفاسي.كر وفر عاشق أنافي عودك وضحكة عيونك ... وين ماتلاطفني جيتك وبلا تكتيك نبي ورودك...سلمت روحي قبل ما تخطفني ...يعلم الله صادق وصنت أوعودك حتي إن درت العيب وتخالفني ...ويعلم الله بإني حبيت كل قيودك... وصوبك معايا في الغلا يشرفني.

بين البكا والتفاكير
متقسم الخاطر منامه
خذيت ع الصغا والتقاهير
امروم عليهن اروامه
يانا اللي عايش ضرير
وصارلي مصار ذيب ياما
ساقيني عزيز المرير
وانسيني مقوى عزامه
اعزوم مانقدر اندير
لو كان غير شالن اوهامه
إن عزف كل بندير
من شوره انجيه انتهامه
عزيز تلحقه قلة الخير
علي خطا في قلبي احطامه
في الجوف والهوير
امغير عاركن دونه أيامه

نريد ننشدك ع اللي زرعته فيا...زعما حق حب ولا مغرر بيا

ياريتك امعاياياروح روحي يااسباب هنايا انعيشوا الغلا ياريتك ليا وياريتك احدايا ماتغيب عليا نسقيك من نبع الغلا بيديا ورموش عيني اتكون ليك اغطا ونحمد المولى الكريم اعطيا وتأمر عليا مانقولش لاتبقى جنبي وبحالة يعلم عليا ربي مانطيق ابعادك ماعليك انخبي نبيك لجروحي اتكون لي دوا نفرح بقربك ويتلاشى كربي وتنور ايامي بعد طول رجا اتعاند اظروفك في غلاي اتعدي مشوار قاسي وماتشيل عنا حتى وبينا اوطان مانك جنبي ماتخاف ننسى ولايصير جفا